Si rrallë herë, këtë herë fansat e Rita Orës kanë mbetur të zhgënjyer nga ajo. Ylli shqiptar është treguar diskrete në ndarjen e detajeve rreth albumit të saj të ri.
Këngëtarja 33-vjeçare tha se nuk është e sigurt nëse albumi do të jetë gati këtë vit, shkruan Yahoo.
Ora ka thënë se albumi mund të jetë së paku gjashtë muaj larg publikimit.
“Albumi po shkon shumë mirë. Nuk jam e sigurt nëse do të jetë gati për këtë vit”, shprehet ajo.
Megjithatë duket Rita Ora po përgatit diçka të veçantë e cila parashikon të marrë pak më shumë kohë se albumet e tjera.
