Hapen aplikimet për konkurrim për punësim për “Mësues për Shqipërinë”. Për herë të parë, aplikimi i kandidatëve për “Mësues për Shqipërinë” bëhet përmes platformës e-Albania, në shërbimin “Aplikim për konkurrim për punësim si mësues”.
Afati për aplikim është nga data 04.07.2024 deri në datën 19.07.2024.
Të gjithë kandidatët për mësues, përfshirë dhe parashkollorin (kandidatët që kanë qenë pjesëmarrës në portalet e mëparshme dhe kandidatët e rinj), kanë detyrim të ngarkojnë online dosjen për konkurrim.
Faza e parë është vlerësimi i dosjes së aplikantit, faza e dytë është testimi i informatizuar dhe në fazën e tretë shpallet lista përfundimtare së bashku me renditjen.
Për më shumë informacion:
https://arsimi.gov.al/hapen-aplikimet-per-mesues-per-shqiperine-ne-e-albania/
