Deputeti i Partisë Demokratike, Titan Shehu, ka reaguar pas njoftimit të Prokurorisë së Posaçme për thirrjen e ish-kryeministrit Sali Berisha dhe dhëndrit të tij ditën e mërkurë në SPAK.
Përmes një reagimi në rrjetet sociale, Shehu e ka cilësuar Berishën si të pandehur politik, ndërsa shton se procesi gjyqësor sipas tij, është i pilotuar.
“Në 9 muaj “hetim” nën arrest shtëpie ai është thirur në SPAK vetëm një herë, për rreth 20 minuta, në fillim të atij procesi politik”, shkruan deputeti demokrat.
Më tej, ndalur te mbyllja e hetimeve, Shehu pyet se pse “Berisha u mbajt i zoluar pa u pyetur, duke shkelur edhe mbi të drejtat e njeriut, të deputetit, mbi vetë Kuvendin tonë”.
“Një hetim i tillë politik nuk mund të mos prodhojë veçse një dosje politike”, shprehet ai.
Reagimi i plotë
Berisha, i “pandehuri” politik, nen nje proces te pilotuar!
Deklarohet se me ne fund SPAK mbyll dosjen hetimore te Berishes, per ta kaluar ne gjykate.
Nje hetim, qe vetem nje hetim drejtesie nuk mund te quhet.
Ne 9 muaj “hetim” nen arrest shtepije ai eshte thirur ne SPAK vetem nje here, per reth 20 minuta, ne fillim te atij procesi politik.
Ku u paraqit direkt, jo nepermjet avokateve.
As akte ekspertimi nuk u realizuan nderkaq.
Asgje nga ato, qe duhet te realizoje nje hetim, qe edhe per forme synon te ruaje disa parametra drejtesie, qofte te nje drejtesier “calamine”!
Asgje, karakteristike kjo per nje drejtesi, qe me “kater kembet” vecse ka shkelur ligjet e parimet e te drejtes.
Pa permendur ketu “presumimin e pafajesise”, te drejten per tu ndjekur i lire kur nuk perfshihesh ne tre kushtet e masave shtrenguese sipas Kodit te Procedures Penale!
Shume larg tyre, vite drite larg te drejtave europiane.
Dhe tashti deklarojne se “hetimi u mbyll”!
Atehere pse u zgjat kaq shume!?
Pse Berisha u mbajt i zoluar pa u pyetur, duke shkelur edhe mbi te drejtat njeriut, te deputetit, mbi vete Kuvendin tone.
Mbi precedencat e krijuara jo shume larg po nga kjo “drejtesi”!
Nje hetim i tille politik nuk mund te mos prodhoje vecse nje dosje politike.
Dhe nje “dosje politike” eshte iluzion te mendosh se cbehet me drejtesi.
Nje dosje politike mund te neutralizohet vetem me veprime te vendosura politike.
Ne Kuvend, institucionet nderkombetare, ne sheshe, rruge, kudo….
