Balluku: Duhet të ulesh me një kolege për çështje tilla të të informojë e dashur Elidë, se çfarë është koncensioni dhe partneriteti publik privat, PPP.
Hoti: Se çfarë është koncensioni e PPP e di këtë. Po secila prej tyre ka procedurë që duhet respektuar. Të falenderoj e dashur zonjë se sapo e lë me zë e figurë, një provë që do ta dorëzoj në SPAK.
Kjo ishte vetëm një pjesë e debatit mes deputetes demokrate, Elda Hoti dhe ministres së Infrastrukturës, Belinda Balluku, teksa i ka kërkuar llogari për rrugën Thumanë-Kashar dhe devijimin e projektit.
Sipas ligjvënëses demokrate, projekti është devijuar qëllimisht, për interesa të oligarkëve dhe oborrtarëve që i shërbejnë Ramës.
Gjatë interpelancës së saj në parlament me minsitren Balluku, deputetja e PD, Elda Hoti tha se autostrada Thumanë-Kashar do t’u kushtojë taksapaguesve shqiptarë 1.3 miliardë dollarë për 35 vite.
Hoti i kujtoi Ballukut, se oliogarkët vlejnë më shumë se shqiptarët, ndërsa e paralajmëroi që të mos ketë selektime të banesave nëse kanë në plan të ndërhyjnë për nyjen në Thumanë.
Pavarësisht fakteve të sjella në Kuvend për aferën korruptive me koncensionin Thumanë-Kashar, Balluku i cilësoi ato thjesht fjalë boshe, duke mos sjellë argumente bindëse gjatë interpelancës me ligjvënësen demokrate.
Debati:
Hoti: Akoma s’je qartësuar edhe nga takimi me banorët se ka 4 nyje ajo rrugë. Projekti kishte nyje në Thumanë, po e ndryshove për llogari të oligarkut të radhës. Transparencë për ju do të ishte dënim me burg. Kontratë Thumanë-Kashar është kontratë korrupsioni, e tillë për Ramën. Ka për qëllim, pasurimin e oligarkëve dhe shërbëtorëve të oborrit të Ramës. 1.3 miliardë euro për 35 vite për shqipatrët. Do kushtojë 10 mln euro për km, shumë e lartë krahasuar me rrugët e BE.
Kjo kompani do ketë fitim 800 mln euro, para nga xhepat e qytetarëve se ministra Balluku vendosi të shkelë ligjin për përfitime personale.
Banorët që protestuan kanë marrë nga ju premtimin se koncensionari të ndërtojë nyjen në Thumanë, do të shohim nëse do të realizohet apo premtim bosh. Ju e koncensionarit s’iu leverdis të hapet kjo kontratë korruptive koncensionare. Autosdtrada se justifikon qëllimin, lehtësimin e qarkullmit. Vendosja e pagesës tregoi kolaps të tërë. S’ka studim këtë tregoi. U dha për ineteresa të oligarkëve dhe koncensionarëve. Vjedhje galopante.
Balluku: Ti bërë proparagandë dhe unë, harxhova nga koha ime për të lexuar objektin e interpelancës që kërkuat ju zonjë. Ne s’bëjmë propagandë se s’kemi kohë se kemi punë. Ne bëjmë shkolla, kopshte e rrugë. Për fjalë u kemi juve të baltosjes e sharjes dhe mënxyrave të tjera. I ka ndarë Zoti këto punë, ne bëjmë punët ju bëni llafet.
