KURBIN– Pas 5 orësh kontroll Forcat e Ndërhyrjes së Shpejtë dhe RENEA janë larguar nga banesa e ish-bosit të lojërave të fatit Ervis Martinaj. Kontrolli është kryer me urdhër të Gjykatës së Kurbinit në kuadër të dosjes “Plumbi i Artë” dhe hetimeve që lidhen me zhdukjen e tij.
Siç shihet edhe në videon e siguruar nga “Euronews Albania” banesa e Martinajt i ngjan një fortese. Ajo rrethohet me mure të larta dhe tela me gjemba si dhe survijohet nga kamerat e siugurisë në çdo cep të saj. Bien në sy dhe masat e shtuara të sigurisë që familja Martinaj ka marrë pas zhdukjes së tij. E po ashtu, brenda mureve shihet një kullë vrojtimi, të cilën duket se Martinaj e ka përdorur si pjesë të sigurisë së banesës së tij.
