Autore: Alba Ismalaj
Prindërimi është një fazë e jetës sa e bukur po aq edhe e vështirë. Të jesh prind do të thotë të kesh jetë brenda jetës tënde. Por dilema e prindërimit është të jesh autoritar apo liberal.
Në vitet e fundit rritja e një fëmije është bërë më e vështir sesa ne mendojmë, sepse kohët ndryshojnë çdo ditë dhe brezat rriten me frymën e pavarsisë dhe integrohen në shoqëri jo të shëndetshme. Një prind nuk duhet të jetë polic, as roje dhe as diktator, por një prind duhet të jetë autoritet dhe të edukojë fëmijë me një frymë të shëndetshme. Një prind liberal është një prind që lejon fëmijën e tij të integrohet në çdo shoqëri pa e njohur vetë prindi shoqërinë. Një prind autoritar është ai prind që e rrit fëmijën e tij me frymën e prindit dhe kjo është një përgjegjsi e të qënurit prind. Është një dilemë delikate, sepse në kohë e sotme çdo gjë është bërë e lirë e me lirinë po abuzon shumica e individëve. Fëmija për një prind është një jetë e re dhe një bimë e zemrës, por fëmija për prindin nuk mund të jetë një shoqëri. Prindërit autoritar janë edhe prindër tradicional e ku ka më bukur sesa të tragëshosh traditat e prejardhjes tënde. Të jesh një prind liberal në shoqërinë e sotme është si te futesh në një botë të egër, por më e vështira është të prindërosh. Prindërimi është gjëja më e bekuar që mund të të ndodhi në jetë, por mënyra sesi ne zgjedhim të prindërojmë është e lirë. Nëse do krahasonim kohët e viteve 90′ me vitet e fundin mënyra e prindërimit ka ndryshuar, por njerëzit nuk i ben koha, koha është e çmuar dhe do na duhet ta përdorim në favorin tonë. Nuk është e justifikueshme shprehja klishe “kanë ndryshuar kohët” , por për mua ndryshojnë njerëzit, koha mbetet po aq me vlerë sa çka qenë. Mendimet e mia bërtasin duke thenë që njerëzit me prindër autoritar përveç se janë të suksesshëm janë po aq me këmbë në tokë sa dëshira e tyre për familje.
