BRAZIL– Legjenda e futbollit brazilian dhe atij botëror, Pele është duke luftuar me jetën.
Në moshën 82-vjeçare futbollisti, po lufton me jetën si pasojë e një sëmundje nga kanceri i zorrës së trashë. Ai po qëndron në spitalin ”Albert Einstein” në San Paolo që prej 29 nëntorit, në gjëndje kritike duke luftuar për jetën.
Gjendja e Pele u vështirësua javët e fundit edhe për shkak të problemeve të reja me zemrën, teksa familjarët e afërt janë duke i qëndruar pranë në klinikë.
Në një video të fundit të publikuar nga familjarët e tij, Pele duket në gjendje të vështirë dhe i shtrirë në shtrat. Vajzat dhe të afërmit e tij janë duke komunikuar me miqtë, teksa mediet në Brazil kanë thënë se kjo është lamtumira e fundit që Pele po bën me të afërmit dhe ata që ka ndarë vitet.
