GJKKO ka dënuar me 1.6 vite burg vendimin për ish-kryebashkiakun e Lushnjës, Fatos Tushe.
Fatos Tushe përfitoi nga gjykimi i shkurtuar, duke u dënuar përfundimisht me 1 vit pas hekjurave. Por, Gjykata e Posaçme i konvertoi dënimin në 2 vite shërbim prove, për akuzën e mosdeklarimit të pasurisë.
“Në zbatim të nenit 59 të Kodit Penal pezullimin e ekzekutimit të vendimit me burgim për të pandehurin Fatos Tushe, për një periudhë kohore prej 2 (dy) vjet, me kusht që gjatë kohës së provës i pandehuri të mbajë kontakte me shërbimin e provës të vendbanimit të tij, si dhe të mos kryejë vepër penale tjetër”, thuhet në vendim.
Gjithashtu, GJKKO vendosi konfisikimin e apartamentit në bregdetin e Vlorës të sekuestruar më 29 shkurt 2024 dhe kalimin e kësaj pasurie në favor të shtetit.
Vetëm pak muaj pasi shleu dënimin me 3 vite e 4 muaj burg për shpërdorim detyre dhe shkelje të barazisë në tendera, ndaj Fatos Tushes nisi hetimi për apartamentin në bregdet, të cilin nuk e ka deklaruar.
-kryebashkiaku socialist u dënua në korrik të 2022 me 2 vite e 4 muaj burg për shpërdorim detyre nga Gjykata e Posaçme e Shkallës së Parë, vetëm për shpërdorim detyre, ndërsa ra vepra e shkeljes së barazisë në tendera, teksa SPAK kërkonte dënimin e tij me 5 vite.
Në mars të vitit të kaluar Apeli i Posaçëm i shtoi dënimin Fatos Tushes me 1 vit kur ky i fundit sapo kishte lënë qelinë pasi shleu dënimin. Ai u rikthye në qeli për të përfunduar pjesën e mbetur, këtë radhë për veprën penale të shkeljes së barazisë në tendera.
Vendimi i GJKKO-së:
Prokuroria e Posaçme kundër Korrupsionit dhe Krimit të Organizuar ka paraqitur pranë Gjykatës kërkesën me objekt: “Dërgimin për gjykim të çështjes penale nr. 199/1 të vitit 2021 në ngarkim të të pandehurit Fatos Tushe, akuzuar për kryerjen e veprës penale “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, në formën e fshehjes dhe të deklarimit të rremë, parashikuar nga neni 257/a, paragrafi i dytë i K.Penal”.
Gjykimi i kësaj çështje u zhvillua me rregullat e gjykimit të shkurtuar. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarja Flojera Davidhi, me vendimin Nr. 56, datë 09.10.2024 vendosi:
- Deklarimin fajtor të të pandehurit Fatos Tushe, për kryerjen e veprës penale “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, në formën e fshehjes, parashikuar nga neni 257/a, paragrafi i dytë i K.Penal dhe në bazë të kësaj dispozite, dënimin e tij me 1 (një) vit e 6 (gjashtë) muaj burgim.
- Në zbatim të nenit 406 të K.Pr. Penale, uljen e dënimit me 1/3 e tij, duke u dënuar përfundimisht i pandehuri Fatos Tushe me 1 (një) vit burgim.
- Në zbatim të nenit 59 të Kodit Penal pezullimin e ekzekutimit të vendimit me burgim për të pandehurin Fatos Tushe, për një periudhë kohore prej 2 (dy) vjet, me kusht që gjatë kohës së provës i pandehuri të mbajë kontakte me shërbimin e provës të vendbanimit të tij, si dhe të mos kryejë vepër penale tjetër.
4. Konfiskimin e pasurisë së llojit “apartament”, me nr. pasurie ****, ZK **** në ****, Vlorë, sekuestruar me vendimin nr. 136, datë 29.02.2024 të Gjykatës së Posaçme të Shkallës së Parë për Korrupsionin dhe Krimin e Organizuar dhe kalimin e kësaj pasurie në favor të shtetit.
- Në mbështetje të neneve 393 dhe 485/3 të K.Pr. Penale shpenzimet gjyqësore sipas formularit bashkëlidhur të paguhen nga i pandehuri, si dhe ato të hetimeve paraprake.
- Kundër këtij vendimi lejohet ankim brenda 15 (pesëmbëdhjetë) ditëve, në Gjykatën e Posaçme të Apelit për Korrupsionin dhe Krimin e Organizuar, duke filluar ky afat nga e nesërmja e njoftimit të këtij vendimi të arsyetuar.
