ELBASAN
Safet Gjici i është drejtuar Gjykatës së Elbasanit nga burgu me kërkesën për t’u liruar. Gazetari Fatmir Popja raportoi për “BalkanWeb” se seanca e nisur sot në orën 10:00, u ndërpre pasi gjyqtarja deklaroi se ka pasaktësi në dokumentacion për vendndodhjen. Kërkesa e Gjicit shqyrtohet në Gjykatën e Shkallës së Parë të Juridiksionit të Përgjithshëm Elbasan nga gjyqtarja Suela Lika.
Në kërkesë, ish-kryebashkiaku i Kukësit, nuk ka dhënë asnjë shkak se cilat janë arsyet që duhet të lërë burgun, por mendohet se i ka kërkuar lirinë për shkaqe shëndetësore. Ai ka vënë në dijeni se do përfaqësohet nga Avokati Markeljan Jançe dhe se nuk do paraqitet vetë në seancë. Gjykata pas shprehjes së vullnetit të të dënuarit Safet Gjici për mospjemarrje në seancë dhe mbrojtjen e tij nga avokati i zgjedhur vendosi të zhvillojë seancën.
Gjici e vuan dënimin në Burgun e Kosovës së Lushnjes dhe prej dy javësh i shtruar në Spitalin e Burgut.
Avokati Markeljan Jance: Gjici vuan dënimin në IEDP Kosovë e Madhe në Lushnjë
Ndërkohë Gjykata ka konstatuar se në bazë të shkresave zyrtare Safet Gjici rezulton se vuan burgun dënimin në një institucion tjetër kur në fakt ai faktikisht vuan dënimin në IEDP Kosovë e Madhe Lushnjë.
Aktialisht Safet Gjici është në trajtim mjekësor në Spitalin e Burgut. Gjyqtarja i kërkon avokatit të saktësojë dhe qartësojë cila është vendndodhja e Safet Gjici. Në këto kushte seanca u ndërpre përkohësisht.
