TIRANË– Deputetët e Kuvendit të Shqipërisë janë vënë në “siklet” nga pyetjet e gazetares të enjten në Kuvend teksa hynin në seancën maratonë të fundit për këtë vit. Kështu ata i janë përgjigjur pyetjes së emisionit “Piranjat” nëse e përdorin naftën e dhënë nga shteti për familjarët. Kjo pasi po në këtë emision një javë më parë u publikua rasti i ministres së Jashtme Olta Xhaçka nëna e së cilës përdorte makinën e shtetit për punët personale madje makina e ministries e priste poshtë zyrës derisa ajo mbaronte punë.
PJESË NGA BISEDAT:
Pyetje: Ju naftën që merrni nga Kuvendi, a e përdorni dhe për familjarët?
Fatmir Mediu: E përdor për të pirë.
Dhurata Çupi: Unë makinës time personale i jap vet. Asnjë gram naftë për familjen nuk e konsumoj. Unë nuk flas për të tjerët, ministrat shumë gabim bëjnë, është shpërdorim detyre.
Tritan Shehu: Ministrat punojnë vetëm për interesat e tyre dhe prandaj Shqipëria është në këtë gjendje që është sot.
Petro Koçi: Uroj që ta keni makinën me gaz ju si emision.
Enkelejd Alibeaj: Unë se kam përdorur asnjëherë, kam qenë dhe se kam përdorur.
Taulant Balla: Lori hajde jepi përgjigje kësaj.
Edmond Spaho: Ka rregula për këtë, ministrat nuk mund ta përdorin dot për qëllime personale.
Elisa Spiropali: Jo nuk e përdor, Nuk di të ketë kolegë që ta përdorin
Gazment Bardhi: Vetëm Olta mund ta bëj këtë. Investitorja strategjike Olta. Vetëm ajo mund ta bëj këtë. Babëzia shkon deri në atë pikë.
Saimir Korreshi: Po ke muhabet me atë të Kuvend, do i thuash të na kalojnë pak lekët e naftën se vdiqëm. Po i marrim borxh.
Dashamir Shehi: Unë kam qenë minisër e më shumë dhe se kam përdorur.
