Një 18-vjeçare është vetëplagosur me armë zjarri në lagjen “ Liri Gero” në Fier.
E reja është transportuar menjëherë në Spitalin e qytetit ku ndodhet nën kujdesin e mjekëve.
Policia ndodhet në vendngjarje, ndërkohë që shkaqet që e kanë çuar 18-vjeçaren drejt këtij akti, ende nuk dihen.
Fier/ Informacion paraprak
Rreth orës 17:30, shtetasja A. G., rreth 18 vjeçe, banuese në Fier, është transportuar në spital për ndihmë mjekësore, e dëmtuar me armë zjarri, jashtë rrezikut për jetën (paraprakisht dyshohet se është vetëplagosur me pistoletë).
Shërbimet e Policisë kanë gjetur dhe sekuestruar armën e zjarrit.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut si dhe për dokumentimin ligjor të rastit.
