GREQI-Një 15-vjeçar identiteti i të cilit nuk është bërë i ditur, i cili dyshohet se bashkë me një grup personash të tjerë përdhunuan një vajzë të mitur është arratisur drejt Shqipërisë. Këtë e bëjnë të ditur mediat greke, të cilat shkruajnë se 15-vjeçari është arratisur drejt vendlindjes së tij për ti shpëtuar drejtësisë. Ato shkruajnë se prokuroria, e cila po heton çështjen pritet të lëshojë një urdhër arresti ndaj të miturit.
Autoritetet po hetojnë gjithashtu rolin e katër vajzave adoleshente. Bëhet fjalë për tre vajza 15-vjeçare dhe një vajzë 14-vjeçare, të cilat në bazë të dëshmisë së 15-vjeçarit, nuk kanë pasur asnjë rol, por dyshohet se kanë qenë të pranishme në momentin e torturës, përdhunimeve në grup dhe regjistrimit të videove. Ndërkohë të arrestuarit kanë pranuar para oficerëve të policisë se kishin kryer akte seksuale me bashkëmoshataren e tyre por pa ushtruar dhunë. Ndërsa tjetër i mitur është liruar nga policia për shkak se nuk kishte mbushur ende 15 vjeç dhe si pasojë është vënë nën monitorim nga efektivët.
