Norvegjia është tronditur nga një rast abuzimi seksual i përshkruar si skandali më i madh i këtij lloji në historinë e vendit, që përfshin aktivitetet e errëta të një gjinekologu në gjyq për përdhunimin e dhjetëra grave gjatë një periudhe 20-vjeçare.
Gjinekologu Arne Bye, 55 vjeç, i cili ka punuar për shumë vite në klinikën komunale në qytetin e vogël Frosta, akuzohet se ka përdhunuar 87 gra dhe ka regjistruar në video sulmet seksuale që ndodhën në klinikën e tij dhe shtëpitë e viktimave të tij.
Arne Bye përballet me akuzat për shpërdorim të pozicionit të tij për të arritur kontakt seksual me gjithsej 94 gra, duke përfshirë dy vajza të mitura. Viktima e tij më e madhe ishte 67 vjeç, ndërsa viktimat më të reja ishin 14 dhe 15 vjeç.
I pandehuri është deklaruar fajtor për tre akuza për përdhunim dhe 35 akuza për shpërdorim të pozitës dhe përballet me 21 vjet burg.
Policia sekuestroi mbi 6 mijë orë materiale video gjatë hetimit të saj, shumica e të cilave ishin regjistrime të ekzaminimeve gjinekologjike të kryera te pacientët pa dijeninë e tyre, të cilat hetuesit i përshkruan si ‘të ndjeshme dhe të detajuara’.
Sipas aktakuzës, Bye dyshohet se ka futur një ‘si deodorant’, një ‘si shishe’ dhe një objekt cilindrik tek gratë pa pasur ndonjë arsye mjekësore për ta bërë këtë.
Në dëshminë tronditëse në gjykatën në Trøndelag, një grua tha se përvoja kishte qenë aq e dhimbshme “sa mendova se do të vdisja”.
