TETOVË– Një ngjarje e rëndë ka ndodhur në qytetin e Tetovës, ku një 16-vjeçar është vrarë.
Ka qënë xhaxhai i 16-vjeçarit ai i cili ka folur duke rrëfyer për gazetaren Anila Ahmataj në emisionin ”Me zemër të hapur”, se adoleshenti është larguar nga shtëpia për të takuar të dashurën e tij. Ajo e ka pranuar mënyrën se si ia kishte lidhur duart dhe si e kishte goditur atë me mjet të fortë në kokë.
Gjatë rrëfimit ai shtoi se kishte gjetur trupin e nipit të tij në lumë, ku sipas tij kishte ngecur në një gur të madh dhe dukej vetëm pjesa e prapme e shpinës.
Ai u shprehë se djali ishte larguar nga shtëpia rreth orës 16:00, duke lajmërusr nënën dhe të motrën se do takonte të dashurën e vet. Diku rreth orës 10 dolën prindërit ta kërkojnë, e raportuan në rajonin e policisë, telefonit i shkonte thirrja por nuk përgjigjej njeri.
”Bashkë me prindërit e djalit dolëm në kërkim të tij dhe të veturës, makinën e gjetëm në parkim së bashku me telefonin. Motra e djalit ka kontaktuar me të dashurën në WhatsApp dhe ajo i ka thënë që nuk ka pasur kontakt me të dhe se ishte te halla e saj. Ne i gjetëm çelësat e makinës jashtë saj dhe po kërkonim djalin. Rreth mëngjesit e gjeta unë trupin e pajetë në lumë, bashkë me mua ishte dhe policia”, u shpreh xhaxhai.
”Trupi ishte i zhytur në ujë, pjesa e prapme e shpinës ishte jashtë ujit dhe dukej sikur trupi ishte ndalur në një gur të madh. Nuk kam qenë pranë trupit gjatë ekspertizës. Vdekja ka ardhur sepse ka pasur lëndime në kokë, kanë rënë me një mjet të fortë”
”E dashura e tij është arrestuar, ndodhet në 30 ditë paraburgim, deri tani nuk ka treguar nëse e ka bërë vetë apo ka pasur bashkëpunëtorë. Ajo e ka pranuar që është takuar, tha se i ka lidhur duart dhe se e ka goditur në kokë me një mjet të fortë, të cilin thotë se e ka hedhur në lumë. Ai kishte rreth 4 vite në lidhje me vajzën”, ka thënë ai.
