Kreu i ish të përndjekurve politik, Besim Nregjoni, ka mbajtur një fjalim para Kuvendit, pak para nisjes së sesionit të ri parlamentar, ku kërkon dënimin e krimeve të komunizmit.
Ai, përmes parashtrimit të disa kërkesave, u bën thirrje deputetëve të sigurohen që historia të mos përsëritet.
“Nderimi i njerëzve që kanë rënë viktimë e regjimeve komuniste dhe mësimi studentëve tanë për ato mizori është mënyra ma e mirë për të siguruar që historia të mos përsëritet”, deklaroi ai, teksa theksoi se “ne të mbijetuarit e 6000 familjareve të zhdukurve, të 36.000 të burgosurve politikë të 100.000 familjeve të internuarve e të dëbuarve politikë, presim përgjigje nga parlamenti!”
Deklarata e plotë e Besim Ndregjonit:
Të nderuar deputet!
Shqipëria mban në ndërgjegjen e sajë disa nga gjërat më dramatike për një kombe!
Njëra pjesë e kombit u përndoq në mënyrë tragjike e të pamëshirshme, u përndoq për bindje, për pasurinë e sajë, për rangun dhe inteligjencën, për kodet e saj jetike kombëtare, për liri, për mendim ndryshe u përndoq 4 breza! U përndoq vetëm se ishte e tillë.
Kur një shoqëri nuk ballafaqohet me ndërgjegjen e vet për të bërë pastrimin e të keqes, ajo shoqëri do të vazhdoi të jetë traumatike: e nesërmja mund të jetë më e errtë se e djeshmen.
Harresa është fenomen kriminal që nuk i shërben paqes, lirisë por diktaturës.
Ideologjitë komuniste i shkaktuan botës 100 milion të vrarë. 1.5 milardë të mbajtur robër në kampet e internimet dhe të punës.
Diktatura enveriste i kushtoi Shqipërisë sipas statistikës shtetërore:
Mbi 6000 të pushkatuar dhe të zhdukur kufomat sot janë pa varr në tokën e tyre!
917 mijë vite burg politikë vuajten 36.000 të burgosur politikë shqiptarë!
100 mijë familje u internuan dhe u dëbuan gjatë regjimit enverist 45 vjeçare duke shkaktuar vdekje fëmijësh e të gjitha moshave nga torturat e xhelatëve enveristë!
2169 institucione fetare u shkatruan!
Kemi 35 vite që presim të i denoni këto krime me ligj por, ju keni zgjedhur heshtjen!
Europa i ka dënuar që në vitin 1996, Amerika i dënoi në 2024 juve pse heshtni!?
Zotërinj deputet kërkojuni bashkatdhetarëve tuaj falje duke miratuar ligjin për dënimin e krimeve të komunizmit! Heshtja e juaj 35 vjeçare ju bën bashkëfajtor me xhelatët që i kryen këto krime.
Dënimi i krimeve të komunizmit është drejtësi dhe jo hakmarrje!
Nuk mund të bëhet politikë apo të ndërtohet
Demokracia mbi gjakun dhe vuatjen e antikomunistave
Shqiptarë!
Kërkojmë nga parlamenti shqiptar!
- Solidarizohi me rezolutën h.r.5349 të Kongresit Amerikan “akti vendimtar për mësimin e së vërtetës rreth komunizmit në shkollat amerikane.” miratuar Dhjetor 2024!
- Të miratohet me ligj “dita kombëtare e kujtesës” në nderim të martirve të lirisë.
- Të futen në kurikulumet shkollore krimet e stalinizmit shqiptar 1944-1990
- Të ndërtohet “muri i kujtesës” në nderim të 6000 të zhdukurve të komunizmit përpara piramidës së diktatorit!
- 5.Të shpallen muze burgu i Burrelit dhe Spaçi!
- Bazuar në rezolutën e kongresit amerikan të aprovohet ligji “dënimi i krimeve të komunizmit në Shqipëri”
- Të promovohet një kuotë nga kuvendi i Shqipërisë, në organet kushtetuese dhe administrative kapacitete që vijnë nga shtresa antikomuniste ish të përndjekur politikë pa dallime partiake!
- Shteti shqiptar të bëj bilancin e dëmtimit të pronave të dëmtuara të komuniteteve fetare dhe familjeve të përndjekurave politike , të miratoi ligj të posaçëm për dëmtimin e pronave!
- Zotrinj deputet!
Ju përket juve të ju kërkojuni falje bashkombasve tuaj që kaluan kalvarin e diktaturës komuniste duke denuar me ligj krimet e komunizmit, e keni detyrim kombëtar për të dënuar urrejtjen dhe për të përçuar paqen. Komunizmi është një nga ideologjitë politike më shkatërruese që bota ka parë ndonjëherë”, tha kongresistja republikane salazar, duke folur nga Capitol Hill.
“Akti vendimtar i mësimit së të vërtetës rreth komunizmit në shkollat amerikane’, – tha ajo -është i rëndësishëm sepse, të rinjtë tanë duhet të kujtojnë krimet e komunistëve, përfshirë ato që u janë shkaktuar zgjedhësve të mi dhe familjeve të tyre në distriktin 27 të Floridës (kubanez, kinez, rusë, shqiptar, venezueljan, e tjerë)”
Ron de santis sot me 20 janar merr detyrën e sekretarit të shtetit deklaroi se rinia amerikane duhet të jetë e vetëdijtshme për krimet e komunizmit.
Nderimi i njerëzve që kanë rënë viktimë e regjimeve komuniste dhe mësimi studentëve tanë për ato mizori është mënyra ma e mirë për të siguruar që historia të mos përsëritet!
Ndiqni shembullin amerikan zotërinj deputet shqiptar!
- “ Çdo i persekutuar politikë shqiptar është një shkëndijë lirie, e shembulli dinjiteti , krenarie e asaj kohe , kur frika drobiti shpresat e dhuna denatyronte njeriun!“
Deputetë: mos harroni pa u tha gjaku i martirëve pa u dhënë drejtësi për antikomunistët shqiptar nuk ka paqe Shqipëria!
Deputet: Shqipëria atdheu i të gjithë shqiptarëve i përket demokracisë dhe jo të kaluemes diktatoriale! Ne të mbijetuarit e 6000 familjareve të zhdukurve, të 36.000 të burgosurve politikë të 100.000 familjeve të internuarve e të dëbuarve politikë, presim përgjigje nga parlamenti!
