GREQI– Greqia është “shkundur” ditën e sotme nga një tërmet i fuqishëm me magnitudë 4.9 ballë të shkallës, i cili e kishte epiqendrën në zonën e Evias. Mediat greke shkruajnë se lëkundjet janë regjistruar në një zonë që nuk raportohet të ketë pasur aktivitet të lartë sizmik.
Tërmeti u pasua nga dy pasgoditje në shkallë më të vogël prej 2.4 dhe 3.4 ballësh. Sipas Institutit Gjeodinamik grek, thellësia fokale e tërmetit ka qenë 13.2 km ndërsa epiqendra ka qenë 5 km në juglindje të qytetit Pasachni Evia.
