TIRANË– Të tjera detaje kanë dalë në dritë pas arrestimit të ish-drejtoreshës së Mjedisit në Bashkinë e Tiranës Viola Sterjo, e cila u arrestua ditën e sotme nën akuzën e mashtrimit.
Në 12 dhjetor 2022 në prokurorine e Korçës ka bërë kallëzim një qytetar i cili kishte nje pronë në Voskopoje dhe në të donte të ndërtonte një hotel. Ai përmes një të njohuri kishte takuar Sterjon, punonjese e AKSH it në atë kohe, e cila i kishte premtuar se do të nderhynte tek AZHBR për të perfituar nje grand. Fillimisht denoncuesi i ka dhënë Sterjos 57 mijë euro dhe 1.000.000 lek.
Nje qytetar nga Pogradeci gjithashtu ka bërë denoncim se i ka dhënë Viola Sterjos shuma të ndryshme, 9 mijë si fillim dhe më pas 28 mije euro për të ndërhyrë tek AZHBR që të përfitonte një grant prej 1.2 milion euro për të ndertuar një bujtinë.
Një tjetër qyetar nga Korça sipas Prokurorise se Korçës i ka dhënë Sterjos 160.000 euro pasi ajo i ka premtuar një grant prej 2.2 milionë euro. Pas disa muajsh denoncuesi i cili nuk e kishte perfituar grantin i ka kërkuar Sterjos tja kthente shumën e lekëve. Por ajo i kishte thënë, se granti nga 2.2 milion euro do të shkonte në 4.5 milion euro.
Viola Sterjo tashmë e arrestuar dyshohet se ka ngritur një skemë të mirëfilltë mashtrimi. Sipas prokurorissë ajo ka mashtruar pesë subjekte të cilëve iu ka marrë shuma deri në 90 mijë euro. Ajo i mashtronte duke u thënë se do të përdorte ndikimin esaj në institucionet e shtetit konkretisht Agjensinë e Zhvillimit Bujqësore dhe Rural, në mënyrë që subjektet të përfitonin tenderin.
