Nuredin Dumani gjatë seancës së GJKKO ka është marrë në pyetje nga Agron Qoli, njëri prej të arrestuarve në kuadër të dosjes “Plumbi Artë”.
Agron Qoli gjatë deklaratës së tij ka mohuar njohjet me Nuredin Dumanin, ndërkohë që ka treguar se si e ka marrë vesh vrasjen e Fatmira Dedës. Gjatë dëshmisë së tij, Nuredin Dumani ka deklaruar se Festim Qoli e ka paguar për vrasjen e Fatmira Dedës, ndërkohë që Agron Qoli do e priste tek karburanti për ta larguar nga lagjia ku u bë vrasja.
Por gjatë seancës mes Nuredin Dumanit dhe Agron Qolit nuk kanë munguar tonet e larta.
Qoli tha se Dumani lutej në zot që të vriste ndonjë person e të merrte lekë, ndërkohë që ai lutej që të gjente punë e të mbante familjen.
Por Nuredin Dumani i ka qëndruar dëshmisë së vet, duke treguar detaje për ngjarjen e bujshme.
Replikat në GJKKO
Agron Qoli: A jeni i sigurt qe po tregoni të vërteten e vrasjes se asaj nëne? Dikur keni thëne që jeni ju?
Nuredin Dumani: Kam thëne të vërteten.
Agron Qoli: A je ul me mua për kafe?
Nuredin Dumani: Jo
Agron Qoli: Me ke parë mua me tek karburanti?
Nuredin Dumani: Kemi shkuar kur kemi marre telefonat, por jemi takuar dhe herë të tjera…
Argon Qoli: Keni bërë 3 deklarime të ndryshme deri më tani, për punën e telefonave
Nuredin Dumani: Të vërtetën kam thënë…
Agron Qoli: Cila ka qenë arsyeja që unë kam dash me të largu ty nga lagjia?!
Nuredin Dumani: S’ke bashkëpunuar me mua, por me kushërinjtë e tu.. Mos hyni ne çeshite familjare se do ju bej me qa…
Pertit Qoli: Mos me fol mua ashtu, o legen…
Agron Qoli: Kush e mori babain e këtij nga shtëpia dhe e dërgoi tek lokali i Petrit Qolit për të kërkuar fjalë?
Nuredin Dumani: Ke ardhur disa herë ke thënë shpërnguluni prej këtu, sepse ishte nxehur festa shume. Ne nuk ishim fajtorë dhe ti e di shume mire. Është turpi me i madh ti kërkoj falje unë Festim Qolit….
Agron Qoli: Babai jot erdhi me kokën me gunge?
Nuredin Dumani: Dmth e keni marre peng, ju me keni dhunuar babën mua, është vepër penale besoj e dini?
Agron Qoli: Unë kam qenë personi qe e kam dërguar babin e tij të kërkonte falje. Cili është motivi që më ke përfshi mua në ketë histori?
Nuredin Dumani: Ke paguar edhe leket e varrimit ti e di shume mire…
Agron Qoli: Cili ka qenë motivi që ke vënë tritol tek çuni i xhajës tat?
Nuredin Dumani: Tritoli është vendos dy ditë para se të ja vendosim shtëpisë së Talo Çelës. E bëra për të tremb këto lepurushta për t’ju tregu se sot e vendoset për dy ditë, u hakmora.
Agron Qoli: Me nipat e mi, ke pas konflikte, për cilat arsye?
Nuredin Dumani: Nuk kam pas konflikte me ta. Njërin e njoh.
Agron Qoli: Deri me tani të kane dal 3 konflikte me mua.
Nuredin Dumani: Jo unë s’kam pas asgjë me ty ke qënë thjesht dërgues mesazhesh.
Agron Qoli: A ke dijeni ku punoja unë në atë kohe kur mendohet se ju kam ndihmuar?
Nuredin Dumani: Jo nuk kisha informacione.
Agron Qoli: Po pre marrëdhëniet që ke pas me te ndjerën ke pas dijeni?
Nuredin Dumani: Ti ke shkuar në varrim, te mira do ti kesh pas, ti i ke paguar varrimin me leket e Festim Qolit.
Agron Qoli: Mes meje dhe Nuredin Dumanit ka një dallim të madh, ndërkohë që ky i lutej Zotit që te vriste ndonjë dhe te merrte ndonjë lekë. Unë i lutesha Zotit që të gjeja punë, të fitoja para për vetën familjen dhe lutesha të mos më lëndohej ndonjë punonjës në punë.
Ditën e ngjarjes nuk kam pas lidhje fare me këto që thotë ky. Unë kam qene në Fushë Krujë, kam qenë ulë pre të ngrënë bukë. Më ka marrë komshiu im dhe më thotë që është shtrirë mamaja e Loshit në tokë ose e kanë vra ose ka vra veten, nuk e di. I kam thëne lajmëro policinë. Kur jam futur në darkë në garazh, ishte gjithë gjak edhe qepeni nuk ka qenë ashtu siç e thotë ai.
