TIRANË– Ministrja e Jashtme Olta Xhaçka ka reaguar sërish ditën e sotme në lidhje me tensionet në veri të Kosovës. Ajo shprehet se tensionet mund të zgjidhen vetëm me dialog. Xhaçka shkruan se mes ushtrive të Kosovës dhe Serbisë nuk do të ketë konflikt i armatosur pasi rrezikon gjithë rajonin. Ndër të tjera shefja e diplomacisë së Jashtme shqiptare thotë se liderët duhet të ulen dhe të bisedojnë me SHBA dhe BE-në për të gjetur zgjidhjen pasi çdo “udhë” tjetër është e destinuar të dështojë.
“As ushtria serbe nuk do të hyjë në “Kosovë”, as ushtria e Kosovës nuk do të hyjë në ndonjë konflikt të armatosur! E gjitha ka të bëjë me një shfaqje të politikës së brendshme dhe nuk ka të bëjë fare me interesat e njerëzve të zakonshëm. Kjo është jashtëzakonisht e rrezikshme dhe duhet të ndalet për hir të gjithë rajonit tonë. Serbia duhet të ndalojë së mbështeturi me arsyetime të pajustifikueshme ngritjen e barrikadave në veri të Kosovës dhe më në fund të kuptojë se e ashtuquajtura “Kosova&Metohija” ka ikur. Përgjithmonë! Barrikadat nuk mbrojnë asnjë serb në Kosovë, ato vetëm minojnë të ardhmen tonë të përbashkët. Shqiptarët dhe serbët janë dy kombet më të mëdhenj të këtij rajoni dhe ata janë “dënuar” për të gjetur një rrugë të qëndrueshme drejt një të ardhmeje të përbashkët. Ne u bëjmë thirrje të dy liderëve të ulen dhe të bisedojnë dhe ne i bëjmë thirrje BE-së/SHBA-së që të insistojnë në të. Çdo gjë tjetër përveç dialogut është e dënuar të dështojë. Mjerisht.”, shkruan Xhaçka.
