Koalicioni Euroatlantik ka zgjedhur Abas Tafën si kandidatin për deputet në qarkun e Tiranës, me një fokus të veçantë në zonat periferike të kryeqytetit – aty ku shpesh mungesa e investimeve dhe vëmendjes institucionale ndjehet më shumë.
Abas Tafa vjen si zëri i banorëve të lagjeve dhe njësive administrative që ndodhen jashtë qendrës së Tiranës – nga Zall-Bastari te Krraba, nga Dajt te Kashari – me një vizion të qartë për zhvillimin e infrastrukturës, përmirësimin e shërbimeve publike dhe rritjen e përfaqësimit të barabartë.
I mbështetur nga Lulzim Basha dhe Koalicioni Euroatlantik, Tafa synon të sjellë në Parlament problematikat reale të komuniteteve periferike, shpesh të lëna pas dore nga politika tradicionale.
“Abasi do të jëtë ditë dhe natë në dispozicion të qytetarëve, nuk do ti fiket telefoni asnjhërë për çdo problematikë që do të kenë. Unë kam 31 vjet që merrem me hallet e popullit dhe i di shumë mirë problemet e zonave ”- u shpreh Tafa gjatë intervistës me gazetarin Ermal Qori.
Fushata e tij është ndërtuar mbi parimet e barazisë territoriale, zhvillimit të qëndrueshëm dhe mbështetjes për familjet që jetojnë në kufijtë urbanë të Tiranës.
