Shqipëria ka hyrë në fazën e heshtjes elektorale, në pritje të zgjedhjeve parlamentare që do të mbahen nesër, më 11 maj. Pas një fushate të ngarkuar me mitingje, aktivitete intensive dhe përplasje mes forcave politike, mbrëmja e së premtes shënoi përfundimin zyrtar të fushatës dhe fillimin e një periudhe reflektimi.
Rreth 3.7 milionë qytetarë shqiptarë kanë të drejtë vote, përfshirë 245.935 emigrantë të regjistruar që do të votojnë për herë të parë nga jashtë vendit – një risi që pritet të ndikojë ndjeshëm në rezultatin përfundimtar.
Në garë për të fituar 140 ulëset në Kuvend janë 11 subjekte dhe koalicione politike. Ata kanë paraqitur listat me nga 186 kandidatë, ku 46 janë nga lista e mbyllur dhe pjesa tjetër nga lista e hapur, në përputhje me rregullat e reja të zgjedhjeve.
E shtuna, sipas ligjit zgjedhor, ndalon çdo aktivitet publik politik, duke garantuar një ditë të qetë për qytetarët para se të vendosin me votë për përbërjen e re të Parlamentit.
