Një aksident i rëndë rrugor është shënuar këtë të martë në mesditë në zonën e Shkallës së Tujanit, në periferi të Tiranës. Dy automjete janë përfshirë në përplasje, ndërsa nga goditja e fortë njëra nga makinat është përmbysur.
Nga informacionet paraprake, mësohet se tre persona kanë mbetur të plagosur. Ekipet e emergjencës kanë mbërritur menjëherë në vendin e ngjarjes dhe po ofrojnë ndihmën e parë për të dëmtuarit.
Ky aks rrugor është kthyer së fundmi në një pikë të nxehtë për aksidentet. Vetëm disa ditë më parë, dy të rinj, Blerim Haxhiu 23 vjeç dhe një 18-vjeçar, humbën jetën tragjikisht, pasi motori me të cilin udhëtonin u përplas nga një makinë që drejtohej nga Olsido Cami, tashmë i arrestuar.
Banorët dhe drejtuesit e mjeteve kërkojnë që autoritetet të marrin masa për të rritur sigurinë në këtë zonë të rrezikshme.
