Starton nga qyteti i Gramshit me 3 net magjike nën qiellin e hapur
“Open Cinema 2025”, edicioni i 9-të i kinemasë shëtitëse më të dashur në Shqipëri, nis rrugëtimin këtë verë nga qyteti i Gramshit, duke sjellë tri netë të mbushura me emocion, argëtim dhe art të vërtetë nën qiellin e hapur.
Në pedonalet e qyteteve ku ndalet, “Open Cinema” shndërron hapësirat publike në kinema të mëdha verore, me ekran gjigant dhe program artistik gjithëpërfshirës që përmbledh:
Filma artistikë dhe dokumentarë shqiptarë dhe ndërkombëtarë
Muzikë live dhe performanca nga grupe lokale
Këngëtarë, aktorë dhe kineastë të ftuar
Shfaqje surprizë për publikun e çdo moshe
Homazh për ikonat e kinemasë shqiptare
Ky edicion mban një moment të veçantë “In Memoriam” për dy emra të mëdhenj të ekranit shqiptar:
Regjisorin e shquar Piro Milkani
Artisten legjendare Margarita Xhepa
“Open Cinema 2025” mbështetet nga:
• Qendra Kombëtare e Kinematografisë
• Ambasada e Spanjës në Tiranë 
• Arkivi Qendror Shtetëror i Filmit
• Open Cinema – Kinemaja Shëtitëse në Shqipëri
Producent i përgjithshëm i këtij edicioni është Skënder Jaçe, një nga emrat më aktivë dhe të përkushtuar në promovimin e kinemasë dhe kulturës shqiptare. Me përvojën dhe vizionin e tij, “Open Cinema” vazhdon të rritet si një platformë e fuqishme kulturore që lidh qytetet, komunitetet dhe brezave përmes magjisë së filmit.
Mbështet kryebashkiaku: Besian Ajazi
Kurimi artistik: Production Cinemania (Mania e Kinemasë)
Mos e humbisni! “Open Cinema 2025” do të udhëtojë në disa nga qytetet më të bukura të vendit me një atmosferë që vetëm kinemaja mund të krijojë. Tri net të mbushura me emocione, risi dhe magji arti në çdo ndalesë.
