TIRANË– Kryetari i Partisë Demokratike Sali Berisha po zhvillon një bashkëbisedim live në Facebook me qytetarët ku po u përgjigjet pyetjeve të tyre. Por është përballur dhe me një pyetje të çuditshme në lidhje me këngatarin Luiz Ejlli, i cili po merr pjesë në ‘Big Brother Vip’ dhe siç e ka deklaruar dhe vetë është një mbështetës i zjarrtë i Berishës. Pyetjes se a do i bëjë ftesë Luizit të jetë pjesë e fushatës në zgjedhjet e 14 majit Berisha zgjodhi të mos i përgjigjet në mënyrë direkte duke thënë se secili ka diellin e tij dhe nuk mund të përgjigjet në këtë moment.
Sali Berisha: Besoj se nuk ka asnjë rëndësi mendimi im pasi Luizi dëshmoi veten si një artist, interpretoi si artist me talent dhe meritoi, nuk shkoi më tutje se nuk duhej, secili ka diellin e vet dhe nuk dua t’i përzihem, meritoi admirimin e publikut shqiptar e më gjerë. Secili ka diellin e tij, ndaj s’ka një përgjigje për këtë pyetje tani.
