TIRANË– Duke komentuar situatën në veri të Kosovës Rama tha se në “lojë” nuk është fati i kryeministrit Albin Kurti por fati i Kosovës dhe të ardhmes së saj. Në një konferencë urgjente për mediat ku deklroi se i ka dorëzuar një draft presidentit francez Emannuel Macron dhe kancelarit gjerman Olaf Scholz për zgjidhjen e krizës tha se këtë të fundit nuk e konsultuar me Kurtin.
Edi Rama: Jo nuk e kam konsultuar me Kurtin. Nuk hyj fare në këto se s’kanë rëndësi të veçantë përsa kohë që s’janë deklarata publike të pakonfirmuara por as të pamohuara. Nuk është fati i Albin kurtit sot në lojë, është republika e Kosovës si e tërë dhe natyrisht që unë dua vetëm suksesin e Kurtit dhe Kosovës dhe asgjë tjetër por nuk mund të rri më duke parë në kushtet kur realisht ajo që shoh duhet ndarë me të gjithë sepse është një kërcënim shumë i madh që i vjen nga reduktimi i marrëdhënieve me aleatët ku e humbura e madhe është Kosova.
