Profesori i Universitetit Johns Hopkins, Steve Hanke ka rënditur rreth 160 vende bazuar në faktorë të tillë si normat e papunësisë, inflacioni dhe normat e kreditimit të bankave. Nga lista e publikuar edhe këtë vit duket se varfëria, inflacioni dhe gjithashtu konfliktet janë vendimtare për vendosjen e shteteve në këtë listë.
Në krye të listës për vitin që lamë pas është Zimbabve. Kombi afrikan, shtëpia e rreth 16 milionë njerëzve, tani renditet në mesin e pesë kombeve më të zymta për të tretin vit radhazi. Profesori vuri në shënjestër partinë politike në pushtet të vendit ZANU-PF dhe politikat e saj për mjerimin e pamasë të Zimbabve.
Dhjetë të parët u plotësuan nga Venezuela, Siria, Libani, Sudani, Argjentina, Jemeni, Ukraina , Kuba dhe Turqia, të cilat kryesuan renditjen si vendet më të pakënaqura në botë.
SHBA renditet e 134-ta në listë, me papunësinë që është shkaku kryesor i pakënaqësisë. Ukraina, e cila aktualisht ësgtë në një luftë të dhunshme dhe të përgjakshme të nisur nga forcat pushtuese ruse të Vladimir Putinit, doli në vendin e tetë, me profesor Hanke që përmend papunësinë si arsyen kryesore të mjerimit. Në vendin e fundit të listës së vendeve më të pakënaqura është Zvicra, financat e shtetit dhe qytetarëve po lëvizin në tregues në rritje dhe pozitiv.Për sa i përket pozicionit te Greqisë, ai ndodhet poshtë mesit të listës, në vendin e 84-të.
Të vetmet vende të Bashkimit Evropian që janë mbi të janë Letonia dhe Hungaria. Në vendin e 90-të është Spanja, ndërsa Italia dy vende më poshtë. Në të kundërt, Franca renditet në 117 dhe Gjermania në 135.
