TIRANË– Ministri i Brendshëm Taulant Balla ka hedhur poshtë lajmet se kreu i Prokurorisë së Posaçme Kundër Korrupsionit dhe Krimit të Organizuar është kërcënuar me jetë dhe se ndaj tij janë marrë masa të shtuara sigurie. Gjatë fjalës së tij për mediat pas mbledhjes së qeverisë Balla tha se nuk ka marrë asnjë informacion nga agjensitë ligjzbatuese për një kërcënim të tillë dhe siguroi se jeta e çdo zyrtari që zbaton Kushtetutën është e mbrojtur.
Taulant Balla: Dua të garantoj jo vetëm prokurorët e SPAK gjyqtarët por çdo qytetar të këtij vendi që policia e shtetit është në detyrë për të garantuar që çdo kush të jetë i sigurt. I kam kërkuar Rrumbullakut që të marrë kontakt me Dumanin për të garantuar që policia e shtetit të bëjë detyrën. Deri në momentin që flasim nuk jam informuar se ka një kërkesë apo problematike për Altin Dumanin. Lajmi është i pavërtetë
