TIRANË– Kryetari i Partisë së Lirisë Ilir Meta ka dhënë detaje nga takimi i djeshëm me të dërguarin e posaçëm të SHBA-së në Ballkanin Perëndimor Gabriel Escobar. Në një konferncë për mediat Meta mohoi që Escobar ta ketë kushtëzuar për koalicionin me Sali Berishën ndrësa shtoi se marrëdhëniet e tij me SHBA-në janë shumë të mira.
Ilir Meta: Unë besoj se përmes komunikatës zyrtare të nxjerrë nga Partia e Lirisë janë bërë të qarta të gjitha çështjet kryesore që u diskutuan në takim. Marrëdhëniet tona me SHBA janë të vazhdueshme dhe shumë të sinqerta, si në Tiranë ashtu dhe në Uashington. Është shumë e rëndësishme që SHBA mbeten të përkushtuara në rritjen e nivelit të demokracisë, luftojnë korrupsionin, dhe të mbizotërojë demokracia dhe vullneti i lirë i shqiptarëve. Të gjithë kandidatët e koalicionit Bashkë Fitojmë, do të jenë intelekutorë të shkëlqyer për realizimin e projekteve në nivel vendor. Me parimet e transparencës dhe qeverisjes së mirë.
