TIRANË– Kryetari i Partisë Demokratike Sali Berisha ka komentuar këtë të enjte jashtë sallës së Kuvendit rikthimin në politikë të Lulzim Bashës. Gjatë një prononcimi për mediat ai iu përgjigj duke qeshur pyetjes se a i trembet rikthimit të Bashës, të cilin e cilësoi si vegël të kryeministrit Edi Rama.
Pyetje; A iu tremb rikthimi i Lulzim Bashës?
Sali Berisha: Çfarë flet more? Mos bëj shaka! Atë po e përdor Rama si të dojë. Takim me të? Të pyesi Ramën. Ai është vegël në dorën e Ramës. Ai bën çfarë i thotë Rama. Axhendën e tij ia bën Rama. Ja si e shikoj unë, ç’të dojë të bëjë. PD-ja ka vota të Sali Berishës, pe ti bënë fushatë ata? Bëri Basha fushatë…? Lëre mos e pyet… Të bëjë ç’të dojë, asnjë lloj interesi nuk kam. Ai është historia e kalit të Timurit.
