TIRANË– Kryeministri Edi Rama ka ndarë detaje nga takimet e tij me ish-zyrtarin e lartë të FBI-së Charles McGonigal, i cili po hetohet nga drejtësia amerikane për shkelje të sanskioneve ndaj Rusisë. Gjatë një prononcimi për emisionin “Top Story” kreu i qeverisë tha se për herë të parë është takuar me të në selinë e qeverisë në zyrën e tij. Ish-zyrtari thotë Rama ka ardhur i shoqëruar nga Agron Neza. Sai i përket takimeve të pretenduara me një biznesmen rus që thuhej se do të investonte në vend Rama i mohoi në mënyrë kategoirike. Rama vuri në “shënjestër” dhe opozitën duke thënë se është opozita e sotme që ishte në qeveri dje ajo që ka marrë peshqeshe nga kompani. Sipas tij qeveria shqiptare dhe as ai nuk kanë dijeni dhe lidhje me këtë çështje.
Edi Rama: Kam arritur në një pikë që nuk më surprizon asgjë. Por mund të them që këtu nuk ka asnjë çështje, se po të kishte do e hapnin ata që falin as presidentët e ish-presidentët. Që nuk ka çështje, as nuk diskutohet.
Grida Duma: Çështja është që janë marrë 225 mijë nga një shqiptaro-amerikan që është takuar me zyrën tuaj. Burimi duhet të hetohet?
Edi Rama: Neza nuk e ka takuar në zyrën time, kanë ardhur 2 shokë nga Amerika. Më kanë takuar mua këtu dhe janë kthyer në Amerikë, e mes tyre ka një marrëdhënie parash më jep-të jap, duhet të lidhet me mua?
Grida Duma: Vështirë e kam që Edi Rama nuk e di kush janë personat që i kanë hyrë në zyrë?
Edi Rama: E di shumë mirë kush hyn, po e përsëris, ish-zyrtari ka ardhur me Agron Nezan. Nuk i thosha duhet të dali jashtë ky se është nga Tropoja. Edhe përsëri do të vinin, prapë do i takoja se nuk ka asgjë për të fshehur. Mbi të gjitha është që është zyrtar i lartë. Në 14 maj kjo do të jetë një kosto e shtuar për ata që e keqpërdorën.
Grida Duma: Asnjë shqetësim nuk ka Rama për çështjen McGonigal?
Edi Rama: Dola këtu se kjo është mundësia më e mirë duke u ballafaquar me përfaqësues mediash, të më ballafaqonin me një resht të aktakuzës, ku implikohet personi im. Thjesht nuk ka. Shqetësohem për faktin se katandia e atyre që po tentojnë ta kthejnë në histori është tallja më e madhe dhe cinizmi më i madh. Nuk mund të sajosh aktakuza, se do e shikojmë sa movent i madh do të jetë më 14 maj. Me oligarkun rus Shqipëria nuk ka asnjë lidhje, qeveria asnjë lidhje, unë jo e jo. Mund të them që kompanitë për të cilat flitet, kanë marrë kontrata e peshqeshe direkte nga qeveria e mëparshme dhe që në rastin e qeverisë sonë s’kanë marrë asnjë kontratë. Qeveria jonë nuk ka bërë asnjë peshqesh për asnjë kompani duke dhënë fusha nafte pa garë. Kemi bërë garë ndërkombëtare. Flluskë e jashtëzakonshme sepse nëse ka kërkime për të bërë për origjinën e kompanive dhe si kanë hyrë e dalë në vendin tonë, mund ta bëjë kushdo që ka durimin t’i shkojë në gjenezë kësaj historie. Kanë marrë copa Shqipërie peshqesh nga qeveria e mëparshme. Bërtet kapni hajdutin, ai që është hajduti vetë.
