Sipas renditjes së “Reporterëve pa Kufij”, kushtet e punës për punonjësit e medias në 70 nga 180 vendet e anketuara vazhdojnë të jenë problematike. Sa i përket vendeve të Ballkanit Perëndimor Shqipëria është më së keqi dhe renditet në vendin e 96.
“Gazetaria është vlerësuar si një nga profesionet që mban një peshë të ngarkesë sa i bukur aq dhe i vështirë. Tashmë ne e dimë që shumë prej gazetarëve një pjesë të jetës së tyre e kanë përkushtuar këtij profesioni e më pas janë tërhequr për shumë peripeci, duke zhvilluar profesione të tjera ose të ngjashme me gazetarinë”. Kështu shprehet gazetarja Oralda Lahe për News Zone e cila tregon për të bukurën dhe vështirësinë e profesionit, te lakmuar shpesh edhe nga politikanë të cilët i shohim si moderator në ekrane.
“Kjo është një pyetje shumë e vërtetë dhe e drejtpërdrejtë e cila kërkon përgjigje të guximshme. Mendoj që gazetari të mirëfilltë ka pasur dhe tani në kohët që jetojmë ka më pak të tillë. Arsyet janë të frikshme dhe shpesh të pakuptimta për disa klikime, famë më shumë , e cila lëndon njeriun, i cili krijon dhe humb shumë nga koha moderne. Nuk mund të mohoj apo të zhvlerësoj punën e kolegëve, gazetarëve, ndër vite të cilët kanë sakrifikuar shumë për të realizuar këtë profesion”.
Lahe tregon vështirësitë dhe kënaqësitë e këtij profesioni dhe sa vlerësohet
“Të bësh gazetari është shumë e fortë dhe patjetër që ka sfidat e saj. Jam munduar ta gjej veten në çdo gjë kam bërë gjatë disa viteve rrugëtim në këtë punë. Herë në radio, televizion apo dhe shkrime për gazetat dhe pse këto të fundit kanë qënë bashkëpunime. Në të gjithë këtë udhë ajo që do të veçoj për mendimin tim mbetet radio. Megjithatë, një shprehje shumë e njohur thotë ‘’Kurrë mos thuaj kurrë ‘’, pasi kam qënë dhe pjesë e televizionit, në terren e më tej në studio duke bashkëprezantuar emision mëngjesi. Më pëlqen të përshatem në gjërat që bëj dhe të tregoj me punë se mund t’ia dal. Aty janë të gjitha ngjyrat bashkë gëzimi, lodhja, trishtimi, kritika dhe më tepër se kaq. E ardhmja do të tregojë më shumë se kaq. Në lidhje me vlerësimin do të doja të bëhej më shumë për gazetarët, pasi na kanë cilësuar pushtet i katërt. Janë shumë vite që flitet për kushte, standardet në vendin tonë dhe në aktivitete të shumta. Uroj që gjërat të bëhen dhe me mirë për këtë profesion që është mision”.
Por pavarsisht vështirësive Lahe thotë se nëse do të jepej serish shansi i përzgjedhjes do ta ribënte ndërsa thkson se çarë duhet bërë më shumë pë motivimin e gazetarëve.
“Jeta është e paparashikueshme dhe nuk mund të bëj një parashikim të saj e të së ardhmes. Mund të shpreh se në të vijim e shoh, se do të vazhdoj në këtë profesion, por përjetësi nuk ka, as gjëra që nuk do të ndryshojnë mbetet e pamundur të njohim e dimë çdo gjë. Nëse do të jem gazetare shpresoj që ta realizoj po me të njëjtin pasion, dëshirë dhe profesionalizëm. Është një profesion që kërkon të japësh shumë nga vetja, e thënë ndryshe të vendosësh shpirtin në krijim tënd. Gazetaria është dhe krijimtari, personazh, lajm një sërë detajesh që nuk duhet të shpëtojnë.Gazetarët duhet të jenë gjithmonë të motivuar. Pasi ky profesion kërkon shumë energji dhe shpesh mund të jemi të pa motivimin e duhur. Sigurisht që ka dhe do të ketë vazhdimisht mënyra për të pasur një rezultat, arritje më të madhe në këtë profesion. Stimujt mund të jenë nga më të shumtat e të larmishëm në llojin e tyre. Në rastin e realizimit të materialit më të mirë mund të ketë një pagesë ose diçka motivuese në aspketin monetar. Seminaret, trajimet, projektet me njohës, gazetarë, ekspertët më të mirë të kësaj fushe. Udhëtime të cilat përveç një reportazhi, kronike, dokumentari ose zhanri tjetër gazetaresk mund të shërbejë si fuqizim. Gërshetimi i punës dhe elementëve të tjerë na jep një shtysë më shumë për punën si gazetar, në çdo profil”.
Ajo na tregon dhe pak nga eksperienca e saj jo e vogel në media duke veçuar radion dhe ja pse..
“Radio është një media e ka rezistuar në kohë duke iu referuar zanafillës së saj. Shpesh mund të jetë e paragjykuar për disa arsye. Megjithatë duhet të them se është çështje pune, pasioni dhe vullneti për të bërë radio. Mund të shtoj se ka magji brenda saj, zë, ritëm, dinamikë. Në lidhje me atë që ofron do të shtoj elementin shpirtëror që mungon në ditët e sotme dhe në kohët e dukjes. Elementi i përkushtimit, dashurisë dhe ai shpirtëror ka një mbizotërim në këtë media. Ndërsa në lidhje me famën këtë gjë nuk mund ta them, por ende vijon të pëlqehet pasi falë saj fiton dhe komoditetin”./Mewszone
