TIRANË– Pyetjes se a ka presione nga politika dhe a tenton ajo që të ndikojë në vendimet e Prokurorisë së Posaçme kreu i SPAK Altin DAumani iu përgjigj duke thënë se ai nuk e ndjen këtë presion tek vetja. Gjatë raportimit në Komisiuonin e Ligjeve DAumani tha se askush nuk ka ‘imunitet’ dhe gjithkush që ka shkelur ligjin do të hetohet.
Altin Dumani: Pritshmëritë janë shumë të mëdha nga të gjithë. Ne jemi të vetëdijshëm. Unë si drejtues por edhe prokurorët. Patjetër që ne në ato projeksionet tona vlerësojmë se do të kemi raste të tilla, kur SPAK do të ushtrojë ndjekjen penale dhe do të ngrejë dhe akuzë ndaj zyrtarëve të lartë të cilët kanë shkelur ligjin. Këtë do t’ia lëmë kohës. Ne pas një viti do të jemi sërish këtu por ajo që jua them me bindje se askush nuk ka asnjë imunitet nga ndjekja penale për ne. Ne kemi nën hetim disa çështje të rëndësishme dhe koha do të tregojë rezultate tona.
