TIRANË– Shefja e misionit të OSBE-ODIHR, e cila monitori zgjedhjet vendore të 14 majit nuk mund të jepte një përgjigje konkrete nëse këto zgjedhje ishin të lira dhe të ndershme. E pyetur nga gazetarët gjatë konferencës për mediat se duke qenë se u fol për manipulime dhe presione ndaj votuesve a mund të ishin këto zgjedhje të lira ambasadorja Glover i bëri “bisht” pyetjes.
Pyetje: Kur ju thoni se pati manipulime, presion ndaj votuesve, a mund të themi se në Shqipëri pati zgjedhje të lira dhe të ndershme?
Audry Glover: Është gjithmonë e vështirë të përshkruash zgjedhjet si të drejta, por ajo që duhet të ndodh është që këto raste që unë përmenda, nesë është ndjekur procedurat e duhura zgjedhore për të siguruar se manipulime të tilla dhe kërcënime që njerëzit morën për të votuar në një mënurë të caktuar, unë mendoj se duhet të ndalohen sepse parandalojnë procesin zgjedhor për shumë njerëz, në mënyrë që të jenë të lirë për të votuar për atë që duan. Dhe jo të votojnë për dikë që iu thuhet se duhet të votojnë. Shpresoj gjithashtu se masat do të merren sipas legjilacionit për t’u siguruar që manipulimi të marrë fund.
