TIRANË– Ministri i Brendshëm Bledi Çuçi ka folur për herë të parë për vjedhjen e 120 mijë eurove në shtëpinë e zyrtares së lartë Alda Klosi por dhe për shumën prej 500 mijë eurosh të gjetur në shtëpinë e pastrueses Rozeta Dobi. Kreu i ministrisë së Brendshme “largoi përgjegjësinë” nga Policia dhe tha se kjo është një çështje që i takon drejtësisë pasi uniformat blu tani veprojnë vetëm në bazë të asaj që u delegon prokuroria.
Pyetje: Paratë e Rozetës pa pronar, i ka dalë njeri për zot? Zyrtarja, si po hetohet? Për paratë, si po ekzaminohen?
Bledi Çuçi: E ka kaluar cakun e policisë dhe është brenda dyerve të prokurorisë, kështuqë nëse doni një përgjigje në lidhje me këtë duhet të pyesni prokurorinë, por kur është në hetim rezervohet e drejta ligjore për të mos dhënë informacion. Në këtë moment policia bën vetëm çfarë i delegon prokurori
