TIRANË– Gjykata e Posaçme Kundër Korrupsionit dhe Krimit të Organizuar ka shtyrë për herë të tretë seancën paraprake ndaj ish-drejtoreshës së Autoritetit Rrugor Shqiptar, Sonila Qato. Këtë herë shkak është bërë mungesa e avokatit mbrojtës të një prej të pandehurve. Pritet që seanca e radhës të zhvillohet javën e ardhshme por nuk është dhënë një datë nga GJKKO.
Ish-drejtoresha e Autoritetit Rrugor Shqiptar Sonila Qato akuzohet se ka shpërdoruar detyrën në lidhje me aksin rrugor Kardhiq-Delvinë. Prokuroria e Posaçme Kundër Korrupsionit dhe Krimit të Organizuar (SPAK) e akuzon ish-zyrtaren për disa vepra penale si “shpërdorim detyre”, “shkelje e barazisë në tendera”, “falsifikim dokumentesh”, “korrupsion pasiv të personave që ushtrojnë funksione publike”.
