TIRANË– Festat sa të bukura janë aq janë dhe problem për mënyrën e të ushqyerit. Shpeshherë e shfajsojmë veten duke thënë që veç një ditë është, duke e tepruar në ushqimet që zgjedhim për të ngrënë.
Askush s’mund ti thotë jo sallatës ruse, mishit të çfarëdo lloji qoftë ai apo një copë ëmbëlsire që simbolizon festat. Por çfarë ndodh më pas me trupin tonë nuk e mendojmë gjatë.
Nuk e ndiejmë në ditët e para shqetësimin por më pas fillojnë problemet si fryrje, mos tretje e mirë e ushqimit, dhimbje stomaku, e deri në probleme që kanë të bëjnë me zorrën e trashë.
Tretja është një proces që është e ndryshme në individë të ndryshëm, e gjitha varet nga metabolizmin i njeriut, mosha, fiziku apo gjinia. Çdo ushqim ka një periudhë tretjeje të caktuar.
Disa ushqime treten shumë shpejt, ndërsa disa të tjerë kërkojnë orë të tëra. Ushqimet që treten shpejt pasohen nga dëshira për të ngrënë.
Këto ushqime ofrojnë energji të shpejtë dhe rrisin nivelet e glukozës në gjak. Uji kalon nga stomaku në zorrë pothuajse menjëherë.
Lëngjet e frutave dhe perimeve kërkojnë 15-20 minuta për t’u tretur. Perimet e freskëta treten për 30 deri në 40 minuta ndërsa ato të gatuara treten po për 40 minuta.
Peshku nga ana tjetër tretet për 45 deri në 60 minuta. E njëjta gjë vlen edhe për sallatat që përmbajnë vaj.
Të gjithë abuzojmë gjatë festave, ndaj më pas i kthehemi ushqimeve me bazë perimesh, proteinash e karbohidratesh. Duke u munduar të heqim peshën e shtuar gjatë kësaj periudhe.
