TIRANË– E gjithë administrata shtetërore e bgritur në “këmbë” në shërbim të qeverisë. Këtë e vërteton mësë miri aplikacioni “Aktiv1sti” i programuar dhe lançuar nga Partia Socialiste pak javë më parë.
Punonjësit e administratës kanë hapur llogaritë e tyre në këtë aplikacion dhe janë futur në “garë” se lush jep më shumë like tek ministriat dhe drejtorët e qeverisë. Kush jep më shumë like, grumbullon më shumë pikë e mbi të gjitha duket mirë në sytë e drejtuesve.
Në listën e gjatë me 260 faqe ka efektivë të shumtë policie, punonjës tatimesh, doganash, prokurorë e nga Avokati i Popullit.
Përdorues:
- 139 Oficerë Policie
- 69 Punonjës tatimesh
- 5 Persona nga Avokati i Popullit
- 16 punonjës nga Drejtoria e Përgjithshme e Policisë
- 306 Punonjës të Doganave
- 39 Punonjës të prokurorisë
- 27 Punonjës gjykatash
Dhe punonjësit e shërbimeve spitalore janë në “garë” për të bërë sa më shumë like. Ndërkohë e gjithë kipola e Policisë së Shtetit i japin like postimeve të ministrave të rëndësishëm të qeverisë.
Ky aplikacion u programua për të promovuar punën e administratës por në fakt duket se qëllimi është ta kontrollojë atë. Në një kohë kur raportet e Komisionit Europian flasin për demokracinë e cunguar dhe presionit ndaj administratës ky aplikacion duket se është një “shuplakë” ndaj lirisë së mendimit dhe shprehjes dhe një provë e një administrate të cunguar që në prag të fushatave “fryhet” dhe vihet ende më shumë nën presion!
Newszone.al do ta ndjekë hap pas hapi këtë çështje. Për arsye të privatësisë Newszone.al nuk mund ta bëjë publike listën e plotë por kjo nuk na pwngon që si media ta ndjekim këtë akt të pashembull që vërteton se administrata nuk është publike por partiake./Newszone
