TIRANË– Nga arratia, ish-zëvendëskryeministri i shpallur në kërkim ndërkombëtar ka kërkuar këtë të premte ndryshimin e masës së sigurisë ndaj tij, atë të “Arrestit me burg”. Ka qenë avokati i tij Henrik Ligori ai që ka ankimuar vendimin e shlkallës së parë të GJKKO-së. Po ashtu ai ka ankimuar sekuestrimin e 2 llogarive bankare dhe apartamentin në zonën e Shallvareve në Tiranë.
Prokuroria e Posaçme Kundër Korrupsionit dhe Krimit të Organizuar (SPAK) i ka kërkuar Kuvendit më datë 10 korrik 2023 heqjen e mandatit të ish-ministrit të Financave tashmë deputet i PS dhe lejen për arrestimin e tij. Arben Ahmetaj, ish-numri dy i qeverisë Rama akuzohet nga SPAK për tre vepra penale: “Mosdeklarim apo fshehje të pasurive”, “Korrupsion pasiv” si dhe “Pastrim parash”.
