KORÇË: Para disa ditësh në qytetin e Korçës 48-vjeçari Aleko Myrtellari plagosi bashkëshorten e tij për motive xhelozie e ndërsa ditën e sotme ky i fundit ka dalë para Gjykatës. Në fjalën e tij Myrtellari ka thënë përpara trupës gjykuese që ishte penduar për krimin e bërë por nga ana tjetër duke treguar marrëdhenien me gruan ai tha se kjo e fundit nuk shpenzonte kohë për edukimin e fëmijëve pasi kur ai erdhi nga jashtë vajza e tij pinte cigare.
FJALA E PLOTË E ALEKO MYRTOLLARI:
“Më mbetën fëmijët pa shkollë për shkak të gruas dhe nuk u edukuan mirë. Unë punoja jashtë shtetit, ajo prishte paratë e mia këtu dhe varte florinj në qafë. Çupa me pinte cigare dhe fëmijët ishin pa shkollë kur erdha nga Gjermania, ndërkohë që gruaja kishte florinj në qafë. U pendova për krimin. Nuk gjeta një familje të rregullt”.
Kujtojmë këtu që krimi ka ndodhur para pak ditësh. Aleko pasi u kthye në shtëpi plagosi gruan e tij e ndërsa fëmijët i nxori nga banesa. Kryefamiljaren e gjakosur e ka gjetur vajza e tyre 16-vjeçare. Myrtollari ka qëndruar i fshehur në disa banesa të të afërmve të tij në fshatrat e Korçës deri mbrëmjen e kaluar kur u dorezua në polici. Policia ka arritur të lokalizoje vendndodhjen e tij pas kontrollit te banesave te familjarëve te 46 vjecarit.
