TIRANË– Big Brother Albania VIP nisi mbrëmjen e djeshme, në edicionin e saj të dytë, ku 15 konkurrentë të famshëm janë bërë pjesë e spektaklit duke synuar finalen e dhe çmimin e madh.
Duket që lojtarët e kanë të qartë pozicionimin dhe kanë ardhur me strategji të qarta. Që në natën e parë të hyrjes nuk kanë munguar diskutimet në lidhje me tema të caktuara.
Luiz Ejlli dhe Mikela Pupa kanë qenë protagonistët e debatit. Këngëtari po tregonte se çdo banor duhet të mësohet me disa rregulla, teksa është ndërprerë nga ish-konkurrentja e Përputhen e cila e ka pyetur nëse i duket vetja si zot i shtëpisë.
Luizi: “Funksionon. Me pak dhunë gjithçka funksionon”.
Mikela: “Këtë dhunën është hera e dytë që e përmend, ndërsa herën e tretë do të përgjigjem shumë keq. Kështu që të sugjeroj të mos e përmendësh”.
Armaldo: “Fjala dhunë këtu nuk duhet diskutuar”.
Luizi: “Është dhunë diplomatike”.
Mikela: “Nuk ka asnjë kontekst të mirë të fjalës dhunë”.
Pjesë e debatit u bë dhe këngëtari Armaldo Kllogjeri, i cili mbajti anën e Mikelës në lidhje me kontekstin e fjalës dhunë. Vetëm nata e parë dhe në fakt banorët duken të gatshëm për të mos lëshuar pe.
