TIRANË– Një aksident i katërfishtë është regjistruar mëngjesin e kësaj të hëne në autostradën Tiranë-Durrës. Raportohet se makinat janë përplasur njëra pas tjetrës ndërsa fatmirësisht nuk raportohet për të lënduar por vetëm për dëme të lehta materiale.
Aksidenti ka shkaktuar një “paralizim” të trafikut në këtë orar që dhe fluksi i mjeteve që nisen drejt Durrësit dhe zonave turistike është i lartë. Nga Vora në Maminas janë hasur radhë kilometrike makinash. Policia ndodhet në vendin e ngjarjes si dhe po punon për hapjen e qarkullimit.
