BERAT– Një aksident është shënuar mesditën e sotme në Berat, vetëm 500 metra larg drejtorisë vendore të Policisë. Një makinë tip Toyota me targa BR 1738 B për shkak të shpejtësisë së lartë ka dalë nga rruga e fillimisht është përplasur me një shtyllë ndriçimi e më pas ka kapërcyer mbi trafikndarëse.
Fatmirësisht nuk ka pasur persona të plagosur nga aksidentit. Mësohet se drejtuesi i mjetit është shprehur se po udhëtonte me shpejtësi pasi bashkë me të në makinë ishte dhe gruaja e tij e sëmurë të cilën po e dërgonte në spital.
Burimet policore nga vendngjarja bëjnë me dije se shkak për aksidentit është bërë një defekt në mjet. Sipas të njëjtave burime, mësohet se mjetit i ka rënë koka e paralelit dhe kjo ka sjellë edhe humbjen e kontrollit të mjetit nga ana e drejtuesit të saj 65 vjeç nga fshati Tomorr.
