BULQIZË– Një aksident i rëndë është regjsitruar pasditën e sotme në Ostren të Bulqizës, ku për pasojë katër persona kanë mbetur të plagosur. Raportohet se mjeti tip fouristradë ka dalë nga rruga dhe ka përfunduar jashtë saj. Të plagosur mbeten shoferi dhe tre pasagjerët që udhëtonin bashkë me të.
Fatmirësisht aksidenti është parë në kohë nga banorët e zonës, të cilët kanë njoftuar menjëherë policinë dhe ambulancën të cilat dhe kanë mbërritur në vendin e ngjarjes. Ata janë dërguar menjëhetrë në spital ku ndodhen nën kujdesin e bluzave të bardha dhe jashtë rrezikut për jetën.
Policia dhe grupi hetimor që kanë mbërritur në vendin e ngjarjes po vijojnë punën për zbardhjen e plotë të rrethanave të aksidentit. Deri më tani dyshoihet se shkak mund të jetë bërë lagështia në rrugë për shkak të reshjeve intensive që kanë përfshirë vendin.
