DIBËR– Një aksident i rëndë është regjistruar pak minuta më parë në Dibër. Raportohet se një 18-vjeçar i identifikuar me inicialet R.K duke drejtuar mjetin tip “Golf” ka dalë nga rruga. Për pasojë ka humbur jetën një 20-vjeçar i identifikuar me inicialet A.S që ishte pasagjer në mjet.
NJOFTIMI I POLICISË:
Sot, rreth orës 14:15 në rrugën dytësore të fshatit Melan, shtetasi R.K., 18 vjeç, duke drejtuar automjetin tip “Golf”, ka humbur kontrollin mbi drejtimin e mjetit dhe mjeti ka dalë nga rruga. Si pasoje e aksidentit ka humbur jetën pasagjeri shtetasi A.S., 20 vjeç. Në vendngjarje ndodhet grupi hetimor, i cili po kryen veprimet e mëtejshme në lidhje me zbardhjen e rrethanave të aksidentit.
