LUSHNJE– Një aksident rrugor është regjistruar këtë të shtunë në aksin nacional Grabjan-3 Urat në Lushnjë.. Raportohet se një triçikël i modifikuar për grumbullimin e plastikave është përplasur me një makinë tip “Volkswagen”.
Si pasojë e përplasjes dy peesona të identifikuar si Ardian Meçani dhe Lumturie Meçani, burrë e grua kanë mbetur të plagosur. Ata janë dërguar në spital për të marrë ndihmën mjekësore dhe mësohet se ndodhen në gjendje të rëndë shëndetësore.
Sipas policisë, e cila ka mbërritur në vensin e ngjarjes dyshohet se shkak ka qenë mosrespektimi i rregullave të qarkullimit dhe shpejtësisë. Drejtuesi i triçiklit ka pasur ngarkesë me mbetje plastike dhe plastmasë, gjë që nuk e ka lejuar të shohë pamjen përballë duke u përplasur më pas me automjetin.
