POGRADEC– Një aksident i rëndë është regjistruar këtë të dielë në Pogradec. Raportohet se një 42-vjeçar i identifikuar me inicialet G.Gj ka humbur kontrollin e mjetit dhe ka përgunduar jashtë rrugës. Për pasojë mësohet se katër persona që udhëtonin me të kanë mbetur të plagosur. Të plagosutit janë dërguar menjëherë në spital dhe ndodhen nën kujdesin e mjekëve, jashtë rrezikut për jetën. Ndërkohë grupi hetimor i mbërritur në vendin e ngjarjes po punon për zbardhjen e plotë të rrethanave të akaidentit që mund të kishte përfunduar me bilanc tragjik.
NJOFTIMI I POLICISË:
Mesditën e sotme, në dalje të fshatit Vërdovë, Pogradec, shtetasi G. Gj., 42 vjeç, duke drejtuar automjetin tip “Honda”, dyshohet se ka humbur kontrollin mbi drejtimin e automjetit dhe automjeti ka dalë nga rruga. Për pasojë janë dëmtuar 4 pasagjerë që udhëtonin në këtë automjet, të cilët u transportuan në spitalin e Pogradecit dhe ndodhen jashtë rrezikut për jetën. Me drejtuesin e automjetit G. Gj., po kryhen veprimet procedurale. Grupi hetimor po punon për përcaktimin e shkaqeve të daljes nga rruga.
