TIRANË– Një aksident i rëndë është regjistruar pak minuta më parë në zonën pranë Gjykatës së Apelit Tiranë. Një makinë tip “Golf” ka përplasur një person rreth të 50-tave që po kalonte me biçikletë. Për pasojë ai ka mbetur i plagosur rëndë është dërguar me autoambulancë drejt spitalit “Nënë Tereza”.
Gazetarët e Newszone.al të mbërritur në vendin e ngjarjes ju sjellin pamje ekskluzive nga aksidenti. Siç shihet biçikleta e të aksidentuarit është ende aty ndërsa një nga këpucët është rreth 10 metra larg vendit ku ndodhi përplasja. Ndërkohë drejtiesi i mjetit, rreth 20 vjeç është ndihmuar nga kalimtarët pasi ka kaluar në gjendje të fikëti pas ngjarjes.
Sipas dëshmitarëve, i plagosuri është futur në kthesë ndërkohë që semafori ishte i ndezur për kalimin e mjeteve çka ka sjellë dhe përplasjen. Aksidenti ka shkaktuar radhë të gjatë trafiku. Policia po punon për zbardhjen e ngjrjes ndërsa pritet që të ketë dhe një njoftim zyrtar nga blutë e Tiranës.
