LUSHNJE- Një aksident ka ndodhur në aksin rrugor Lushnjë- Rrogozhinë mesditën e kësaj të enjteje, pranë fshatit Gramsh. Bëhet me dije se një automjet tip ‘Peugeot’ ka humbur kontrollin dhe është përplasur me barrierën e trafik ndarëses. I plagosur ka mbetur 32-vjeçari Kejsi Çela nga Patosi, i cili ka marrë lëndime të lehta.
Dyshohet se shkak i aksidentit mund të jetë bërë tejkalimi i shpejtësisë së lejuar në këtë rrugë. Pas aksidentit drejtuesi i mjetit Çela po i nënshtrohet procedurave nga ana e policisë rrugore si edhe testit të alkoolit për të zbuluar shkaqet e vërteta të aksidentit.
