DIVJAKË– Një 26-vjeçar, i cili drejtonte mjetin në gjendje të dehur ka përplasur një 77-vjeçare të identifikuar me inicialet J.GJ në momentin kur kjo e fundit ka qenë duke kaluar rrugën. E moshuara është dërguar menjëherë në spital ku ndodhet nën kujdesin e bluzave të bardha. Ndërkohë Policia Rrugore e Fierit bën me dije se janë arrestuar dhe 2 shoferë të tjerë të cilët drejtonin mjetin në gjendje të dehur.
NJOFTIMI I POLICISË:
Specialistët e Sektorit të Qarkullimit Rrugor të DVP Fier arrestuan në flagrancë shtetasit:
- Ç., 49 vjeç, banues në Fier, pasi është konstatuar nga shërbimet e Policisë duke drejtuar automjetin në gjendje të dehur;
- Gj., 39 vjeç, banues në Elbasan, pasi duke drejtuar automjetin në gjendje të dehur, është përplasur me një automjet tjetër, duke shkaktuar dëme materiale;
- Rr., 26 vjeç, banues në Peqin, pasi mbrëmjen e djeshme, në Divjakë, duke drejtuar automjetin ka përplasur këmbësoren, shtetasen J. Gj., 77 vjeçe, e cila ndodhet në spital, nën kujdesin e mjekëve.
Materialet i kaluan Prokurorisë, për veprime të mëtejshme procedurale.
