FIER– Një aksident është shënuar këtë të enjte në Fier pranë zonës së quajtur, ish-parku i mallrave, ku mësohet se një automjet tip “Passat” është përplasur me një “Benz” dhe për pasojë ka humbur kontrollin e ka rënë në kanal.
Bëhet me dije se nga ky aksident kanë mbetur të plagosur dy persona, drejtuesit e dy mjeteve, të cilët janë dërguar me urgjence në spitalin e Fierit. Ndërkohë që në vendngjarje kanë mbërritur shërbimet e policisë dhe grupi hetimor, ku po kryhet ekspertiza për zbardhjen e shkaqeve të këtij aksidenti.
